كنخدمو الطحين،الملح،الزيت البلدية وسنيدة ثم كنزيدو الحليب الدافئ ثم الخيرة(كنذوبوها في شوية الحليب الدافئ) ونخدم العجين ثم كنجمعوها بالماء الدافئ مع عركها جيدا
كنغطيوها بالبلاستيك الغذائي ونخليوها تخمر للمرة الأولى
ثم كنقطعوه إما طولي أو دائري لمهم لي بغيتي أنا قطعتو طولي وكنستفوه في لاطة مدهونة وكنغيطوه بمنديل كنكونو فزكناه وعصرناه ونخليوه يخمر للمرة الثانية ومن ثم كندخلوه للفرن الساخن بحيت كنحمروه شوية من تحت وكنخليوه بيض
2 دابا الحشوة كل وباش كيعمر أنا درت فيه:
كفتة بيبي(غ500) ودرت فيها م.ص هريسة،م.ص قزبر يابس مدقوق،ربع بصلة محكوكة،سكنجبير،م.ك مطيشة الحك،م.ص تحميرة، ضريس ثوم،م.كزيت بلدية،وشوية الزعتر محكوك( اختياري) هاذشي كنخلطوه مع الكفتة بيبي ونخليوها تترقد مدة طويلة وكل مخلينها مزيان عاد كنشحروها وصدقوني كيولي فيها مذاق غزال.
غ500 بصلة مقطعة خيوط كنشحرها مع شوية الملح،الإبزارو شوية الزعتر محكوك + خيزو حكيتو على شكل طولي رقيق،شرائح الفروماج نفتح الخبز وكندهن بالمايونيز وكندير البصلة المشحرة وخيزوالمحكوك ثم الكفتة وكعاود ندير المايونيزوعاد الفروماج وكنديرها في آلة بانيني
الثلاثاء مارس 06, 2012 11:10 pm
