الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 فترة الملكة والخطوبة

اذهب الى الأسفل 
كاتب الموضوعرسالة
ملاكووو
عضوة جديدة
عضوة جديدة


عدد المساهمات : 5
تاريخ التسجيل : 08/03/2012

مُساهمةموضوع: فترة الملكة والخطوبة   الجمعة مارس 09, 2012 5:31 am

السلام عليكم و رحمة الله و بركاته

بداية كلامي ربما يغضب بعض من البنات .. لكن أتمنى إن الوحده تفكر صح

في فترة الملكة .. الوحدة تلكم خطيبها و الكل يعرف إنها أحسن لحظات العمر .

طيب في فترة المكالمة .. حصل و سكرتيها و إنتي ماخذه فايدة وحدة منه ؟؟
الطريقه اللي رآح تفيدك في فترة الملكة إلى .............. أن يكتب الله الأجل لأحد منكما

1/ إذا كلمتيه إسأليه .. وش نظرتك لشريكة حياتك ؟؟
وش اللي تبغاه من شريكة حياتك ؟؟ و وش اللي ما تبغاه من شريكة حياتك ؟؟
نقطه رقم 2- ليش قلت هالشي .. لأنك إذا عرفتي هو وش يبي منك .. تسهلت الحياة بينكم و قلة المشاكل و عرفتي طبيعة زوجك .. حتى لو فكرتي فيها شوي
بعد شهر العسل .. تبدى المشاكل .
نسبة المشاكل 80% إذا ما عرفتي عنه أي شي
و40% إذا عرفتي عنه .. لأنك ما رآح تسوين شي يغضبه أو مايحبه
يدخل فيها ( متى وقت الجد ؟؟ تحب المزح ؟؟ تحب الأسواق وكثرة الروحه لها ؟؟ وهكذا )



,.

2/ إسأليه هو وش يحب من نوع الأكل .. يعني في النقطه السابقه لا قال لك أحبها تكون طباخه
قولي وش الأكل اللي تحبه ؟؟؟ وهكذا

,.

3/ مثال .. بالمسن أو بالموبايل .. إتفقوا تقرون كتاب معين عن الزوآج وهالأمور
والمرأه الذكيه . اللي تقرا كتاب وتكون عارفه هو وش مجمله .. وهل إذا قراه الرجل رآح يتغير تفكيره وتصحح مفاهيمه عن الزوجه ؟؟؟
مو بس كتاب .. أرسلي إيميل يكون بعض الأحاديث أو المواقف اللي عملها الرسول مع زوجاته
بتقولين .. بس مالقها إلا عيالنا .. أقول لك ماتدرين إنتي أرسلي وبس .. لأنه في المقابل إهو يبغى حياة هاديه خاليه من المشاكل .. مافيها شي يعكر مزآجه ..
ولاتجي وحده وتصير غبيه .. تقول لخطيبها قريت اللي أرسلت لك .


,.

4/ لآآزم تعرفين وش اللي لك .. ووش اللي عليك
إحفظي هالعباره زين ..
ووش اللي لك / يعني وش اللي هو يعطيك إياه .. ويقدم لك
طبعا لاتجي وحده وتقول : إنه كل ماجاء من الدوآم جاب لي ورده << فيه بنات كذا
لا .. إذا شفتي نهج النبي مع زوجآته .. سوف تستقر حياتك
والدليل .. إن كل زوجآت النبي فرحآت بزواجهم منه
واللي عليك .. وش اللي تسوينه اتجاهه ..

تهتمين ببيتك وفيه هو وعيالك .. وتدورين رضاه لأنه هو جنتك أنو نارك
وغيرها ..
إن شاء الله فهمتو هالنقاط .. اللي في فترةالملكه


,.

5/ بعد شهر العسل .. خلآص ينتهي الدلع والدلال وتبدى الحياة الجديه

1/ سولفي عن أيام الطفوله وعن ذكرياتك ومشغباتك لكن انتهبـــــي
لاتقولين له .. ماعندي إلا الدجه .. أدخل منتديات وأسولف مع العيال ووووو
حتى لو قلتي هو يحببببببببني ويموت فيني .. ماراح يزعل
الأفضل إنك ماتقولين له عن ذكرياتك اللي مثل هالمواضيع + ماتقولين له موآقف تعرضتي لها من أهلك وإنهم مقصرين معك
لأن فيه بعض البنات تعتبرها فضفضه .. وهو ياخذها بتكفير ودآئره أكبر مما وضعتيها أنتي
وإسأليــه .. هو كيف ذكرياته ؟؟
خلآصه : لاتقولين له مواقف شينه عن طفولتك .. لأنه رآح يقلبها فوق رآسك ويطلع كلآم إنتي
كنتي في الأصل سالمه منه

,.

6/ شوفي علاقته مع اللي حوله .. هل هو رآعي استراحات ولا نت ولا ولا ولا ..
بتقولين عرفت فترة الملكه إن رآعي كوره .. وبعد الزوآج قليل يقعد بالبيت دآيم برا
طيب .. أحسن شي بالحياة .. إنك عرفتي هو وش يحب .. هذا مفتاح لك لإحدى صناديقه
روحي وإفتحي مواقع الكوره .. ومواقع ناديه اللي يشجعه .. أول إسبوع ثاني إسبوع .. يمكن مايعطيك وجه
لكن صدقيني .. رآح تلقين بعد كم إسبوع .. بيقعد بالبيت ورآح تكون سالفة الكوره .. بدايه لسواليفكم
برضوا ينطبق على السيايه , الأسهم , الفن , وغيرها


,.

7/ يختلف من موقف لثاني في التعامل معه
يعني أحيان .. أفضل شي الصمت لاتردين ولا كلمه
وأحيان .. النقاش بهدوووء
وأحيان .. نظرة غضب للمكان
متى تسوينهن .. إنتي اللي تحددين
مثال .. يعني لمن يدخل البيت ويبدا الهواش وراك مانظفتي هالمكآن ورآك ورآك
لاتردين .. إسكتـــي مررره .. إكتفي بكلمة إن شاء الله أنظفها مره ثانيه
بيقول من الأساس وراك مانظفتيها .. لاتردين
يعني لو رديتي بتلتو تهاوشون ..


,.

8/ إذا تبين السلامه من المشاكل مع أمه .. لاتقولين كلمة أمك .. أمك قالت لي أو حطت لي
قولي .. خالتي عمتي .. لأنك بهالطريقه ترفعين من قدرها .
لاتقولين .. من زينها أو ماتستاهل .. إذا كنتي تكرهين نفسك وزوجك أكثر منها .. بتقولين هالكلام
لأنك قاعده تدورين عن المشاكل بنفسك .. زي اللي وده يشب النار عشان يتبهذل مايطفيها إنتي قاعده تصنعين لنفسك المشاكل
إذا كنتي تبين الرآحه .. وتعيشين حياة سعيده صافيه تنعمها الموده .
دوري الرآحه .. لو كانوا أشد أعداءك .. شوفي وين الرآحه وروحي لمها


أتمنى إني أكون قدمت لو فائده وحده
والله يوفقكم جميعا





تـقـبـلـوا تـحـيـاتـي وخـيـتـكـ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بسمة
مشرفة منتدى اطباق الرئيسية
مشرفة منتدى اطباق الرئيسية
avatar

عدد المساهمات : 23
تاريخ التسجيل : 09/02/2012
العمر : 26

مُساهمةموضوع: رد: فترة الملكة والخطوبة   الجمعة مارس 09, 2012 6:20 am

السلام عليكم ورحمة الله وبركاته
اختي الغالية ملاك الروووح سلمت يداك علي الموضوع المميز
دمتي متميزة وبالف خير




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
المديرة العامة
المديرة العامة
avatar

عدد المساهمات : 81
تاريخ التسجيل : 20/12/2011

مُساهمةموضوع: رد: فترة الملكة والخطوبة   الأحد مارس 11, 2012 11:20 am

السلام عليكم ورحمة الله

طرح مميزبالفعل لاسبمت يداكي

فقط استسمنحك انقله الى

قسم المقبلات على زواج

وننتظر جديدك بادن الله فبالتوفيق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://siraji2011.forummaroc.net
 
فترة الملكة والخطوبة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتديات الأسرة و المجتمع :: منتدى المقبلات على الزواج-
انتقل الى: